Ng’omu ku kukuza olunaku lw’abakyala mu nsi yonna, Marie Stopes UG yatongozza kampeyini ya MSI mu nsi yonna eyatuumiddwa “For Every Stage of Woman” mu ddwaaliro lya Marie Stopes e Kampala.
Omukolo guno ogwabaddemu mu mubiri bannamawulire, abakiise okuva mu kkampuni za yinsuwa n’abakolagana nabo nagwo gwabadde butereevu ku MSUG Facebook omuko ne YouTube omukutu gwa yintaneeti.
“Tutegedde nti obulamu bw’omukyala obw’okuzaala busukka ku kuziyiza okuzaala era y’ensonga lwaki tukyusa ekifo okusobola okuwa obuweereza obutuukana n’abakyala ku buli mutendera gw’olugendo lwabwe olw’okuzaala.Tukimanyi nti olugendo olwo lulina ebikulu bingi okuva ku ntandikwa y’okugenda mu nsonga, okusooka okwegatta, okufuuka maama okutuuka ku Menopause era tukkiriza nti abakyala bayita mu bingi ku mitendera egy’enjawulo, era tuli wano okubayambako Omwezi gw’abakyala omwaka guno, tuvaayo okugamba nti twewaddeyo okuwagira buli mukyala ku buli mutendera gw’obulamu bwe Tuli mu mbeera nnungi okulabirira abakyala ku mitendera egy’enjawulo egy’obulamu bwabwe.” Agamba Dr. Carole Sekimpi~ CD Marie Stopes UG
Okusinziira ku Faith Kyateka akulira ebyempuliziganya mu Marie Stopes, kaweefube ono agenderera kuzzaawo Marie Stopes mu kifo kyabwe okuweereza abakyala okuva ku Menstruation okutuuka ku Menopause. Marie Stopes ayongedde obuwagizi eri abakyala ku mitendera gyonna okufaayo ku byetaago byabwe n’okukubiriza abasajja okwenyigira mu nsonga kuba be bakulu ku mitendera gyonna egy’abakyala. Yagasseeko nti Marie Stopes ali wano okunyweza abakyala n’okubakubiriza okutuuka ku buwanguzi mu buli kye bakola. Abakyala balina okumanya nti Marie Stopes ali wano ku lwabwe.
Omukolo guno gwabaddemu ababaka abakiikiridde abakyala abali ku mitendera egy’enjawulo mu bulamu era nga kuliko bannamawulire Andrew Kyamagero ne Anna Talia Ozie, omuyizi wa yunivasite y’e Makerere Joan Atuhaire kw’ogatta Flavia Kyomukama owa akakiiko ka mukenenya, abaatubuulira bye bayitamu.
Lambula waffe... YouTube omukutu okumanya ebisingawo
